तिनाउको बाढीमा महिला बेपत्ता, बालकको उद्धार । पढ्नुहोस पुरा

तिनाउको बाढीमा महिला बेपत्ता, बालकको उद्धार

५ असोज, बुटवल । रुपन्देहीको बुटवलमा तिनाउ खोलाको बाढीमा बगेर एक महिला बेपत्ता भएकी छन् भने एक बालकको उद्धार गरिएको छ ।

बुटवल उपमहानगर र तिलोत्तमा नगरको सीमामा रहेको मगरघाटबाट खोला तर्दै गरेका दुई जनालाई खोलाको बाढीले बगाएको हो ।

बुटवलमा पानी नभएको सुख्खा बगरबाट पारी जाँदै गर्दा उताबाट एक्कासी बाढी आएपछि उनीहरु बगेको स्थानीयले जनाएका छन् ।

बाढीले बुटवल-२ का ९ वर्षीय बालक आकाश थारु र बुटवल-१७ मोतिपुरकी ४५ वर्षी लक्ष्मी थापालाई बगाए पनि बालक आकाश भने पौडी खेलेर बाहिर निस्किएका थिए ।

प्रहरीले नदी आसपासमा वेपत्ता भएकाहरुको खोजी जारी राखेको छ । भेल उर्लिरहेकाले खोजी कार्यमा समस्या भएको इलाका प्रहरी कार्यालय बुटवलका डिएसपी पवन कुमार भट्टराईले जानकारी दिए ।

-----यी मुख्य ५ खबरहरु पढ्न बिर्सिनु भयो कि ?-----

-चीनले तातोपानी नाका सधैंका लागि बन्द गर्ने प्रस्ताव राख्दा खुसि भयो भारत

-यी हुन् ग्यास्ट्रिक च्वाट पार्ने ६ घरेलु उपाय

-धरहरा निर्माणबाट पन्छियो टेलिकम

-कपिलवस्तुमा हत्या गरेर फरार भारतीय अभियुक्त पक्राउ

-काँक्रो खाँदा फाइदै–फाइदा

अनलाइन खबरको सहयोगमा